මරණ තර්ජනය හමුවේ කොල්ලකෑමට භාජනය වන පුද්ගලයා මුදල් තැන්පත් කළ ගිණුම් හිමියාගේ නිවසට ගොස් එම මුදල් මෙම අපරාධකරුවන්ගේ හිතවතුන් පසුව ලබා ගැනීමට කටයුතු කරන බව පොලීසිය සඳහන් කරයි.
සිරගෙදර සිටින අපරාධකරුවන්ට පහසුවෙන් ගොදුරු බවට පත් කරගත හැකි පුද්ගලයන්ගේ දුරකථන අංක ලබාදීම මගින් මෙය ක‍්‍රියාත්මක කෙරෙන අතර ඔවුන් අමතා තමන්ට ලැබීමට තිබෙන මුදලක් ගෙන්වා ගැනීමට තමා සතු බැංකු ගිණුමක් නොමැති හෙයින් ඔවුන්ගේ ගිණුම තුළ එම මුදල් තැන්පත් කිරීමට අපරාධකරුවෝ අවසර පතති.
පසුව එම ගිණුමේ මුදල් තැන්පත් කළ බවට මුදල් කොල්ලයට ගොදුරු වූ පිරිස දැක්වූ පසු සිරගෙදර සිටින එම අපරාධකරුවන්ගේ හිතවතුන් ගිණුම් හිමියාගේ නිවසට ගොස් ගිණුමේ තැන්පත් කළ මුදල ලබාගනී.
එහිදී යම් හෙයකින් කොල්ලකෑමට ලක්වූ පුද්ගලයා නීතියේ පිහිට පැතීමට යොමු වුවහොත් පොලීසියට ගොදුරු වන්නේ මුදල් තැන්පත් කළ බැංකු ගිණුමේ හිමිකරුය.
මේ නිසා දුරකථන ඇමතුම් මගින් කරන ඉල්ලීම්වලට රැවටී තම බැංකු ගිණුම්වල මුදල් තැන්පත් කිරීමට බාහිර පුද්ගලයන්ට ඉඩ ලබානොදෙන ලෙස පොලීසිය මහජනතාවගෙන් ඉල්ලා සිටී.
Sri Lanka Rupee Converter
0 comments:
Post a Comment